Кыдзи уджалiс «Коми войтыр» Ижемскӧй районын да Республикаын ?
Ме лыддя, мый тӧлкыс татшӧм уджысь этша.
Мый сьӧрти?
Ӧти пример:
Кор коми кывсӧ кутiсны вывсянь нярны да талявны, Комитет спасения Печорысянь ми, 23 морт быдпӧлӧс нацияысь, гижим Алексей Иванович Габовлы (коми войтырӧн веськӧдлысьлы) письмӧ, мый колӧ нуӧдны срочнӧ внеочередной съезд, медым ассьыным коми кыв доръйыны.
Ӧтвет сылӧн воис: ми абу против, но колӧ куим миллион шайт, а миян деньга абу. Ме сыкӧд да уна член президиумакӧд сёрнитi, мый съездсӧ позьӧ нуӧдны пӧшти весь, ӧти лунӧн, унджык делегатыс воасны та помла ас сьӧм вылӧ.
Алексей Иванович согласитчис пуктыны вопроссӧ президиум вылӧ, но эз пукты. Письмӧсӧ президиум водзас эз лыддьы. И хотя мӧд Габов - Афанасий, тоже член президиума Корткерӧсысь, куимысь сувтлiс президиум вылас да висьталiс, мый колӧ чукӧртны внеочереднӧй съезд.
Но ни Олег Михайлович, Габовлӧн зам, ни ачыс Алексей Иванович эз кывны мыйлакӧ тайӧ гора куимысь шуӧм предложениесӧ. А сернитiсны совсем мӧдтор йылысь: мый вӧчны, кор тайӧ лёк законсӧ примитасны, и коми кывсӧ кутас велӧдны только кодi мӧдӧ.
Кутшӧм помыс? Ӧнi Сыктывкарын коми конференция вылын ошйысисны , мый … 68 челядь !!! бӧрйомаӧсь Коми столицаын рӧднӧй кылӧн коми кыв. Но найӧс тойлалӧны рӧдной школаяссьыныс. «Ыджыд аттьӧ» ижмасаяссянь, Алексей Иванович, Олег Михайлович тiян да тiян тӧдса Михальченковалы татшӧм ыджыд удж нуӧдӧмысь.
Ме сэки мӧдi ачым сернитны Ижмаса «Коми войтыр» делегатъскӧд, медым кӧть Ижмаын вӧчны внеочереднӧй конференция коми кывсӧ дорйӧм помла, да кори делегатъяслысь списоксӧ. Но ни замыс, Елена Владимировна, ни ачыс руководительыс Олег Михайлович списоксӧ мен из сетны. Мыйла? Юалӧй налысь асьныд.
Мӧд пример
Кор заводитiсны сернитны странаын пенсия арлыд кыпӧдӧм йылысь, «Коми войтырӧн» руководство олic шы ни тӧв!
Хӧтя ижмаса мужик рӧд олӧ только 53 арӧдз. Кодӧс нӧ тадз чӧла доръянныд, «Коми войтырлӧн» руководство? Мыйлакӧ ижмаса пӧшти 100 депутат (Красноборысь ӧтдор, …. Кӧнi олӧ «Коми войтырлӧн» руководительыс) сессияяс вылын примитiсны решениеяс тайӧ антинароднӧй законыслӧн проектыслы вочча сувтны…..?? Мӧдысь шуам «Коми войтырлы» «ыджыд аттьӧ» пӧрысь коми йӧз помла ёна тӧждысьӧмысь.
Коймӧд пример
Экология кузя. Кор дыр думайттӧг Глава Коми Гапликов примитiс Указ ӧтлаавны кык министерство, вочча шуштӧм Указлы сувтiс кодi? «Коми войтыр» ? Сiйӧ чукӧртiс 64 тысяча гӧгӧр йӧзсӧ 17 сиктын да карын митингъяс вылӧ? «Коми войтыр» бара шы ни тӧв!
Нельӧд пример
Комитет спасения Печоры –общественнӧй организация, кодi оз виччысь, мый шуас ыджыд чина йӧз, куимысь нин петалiс сись нефтепроводъяссӧ вежӧм помлась референдум инициативаӧн. Сiйӧс поддержитiс чорыда Коми КПРФ. А тӧрыт КПРФ (Олег Алексеевич Михайлов первой секретарыс танi миян конференция вылын) асьныс петiсны нельӧдысь тайӧ вопроснас, да содтiсны еще на вопрос: Москвалысь мусорсӧ войвывса регионъясӧ мед эз лэдзны .
Так вот, 2017 воын, Коми войтырлӧн руководствоыс кӧсйис КСП-сӧ босьтны ас небыд киясӧ (пӧмнитанныд рейдерской захватсӧ). Сэнi вӧлiны Коми войтырлӧн доблестнӧй руководство и Ижмаысь, и Сыктывкарысь. Сэнi активностьыс «Коми войтырлӧн» вӧлi зэв ыджыд да топыд.
Витӧд пример
Очереднӧй авантюра Коми Республикаса чина йӧзлӧн ыждӧдны донъяссӧ мусор чукӧртӧмысь. Тарифъяс кыпӧдiсны сэтчӧдз,(куим пӧв) мый Россия кузя дон сертиыс Коми Республика петic мӧдӧд местӧ вылӧ. Донсӧ кыпӧдiсны, а деласӧ эз вӧчны. Мохчаса 40 морт нин кырымпас пуктiны, мый оз кутны мынтыны тайӧ выль донсӧ, сы серти, мый донсӧ кыпӧдiсны, а твердӧй коммунальнӧй отходъяссӧ,( вежисны только нимсӧ), а новлӧныс сэтчӧ жӧ, кытчӧ новлiсны водзджык. Ӧнiя свалка вылӧ. Усть-Цильмаын ыджыд зык да шум мунӧ нин роч йӧз костын, а «Коми войтыр» бара кусӧма. Ӧгыр дажӧ оз тыдав?
Медбӧр пример
Ижма «Коми войтырлӧн» руководительыс Олег Михайлович, кор сiйӧс бӧръйисны, шуис быд сиктын вӧчны программа «Кыдзи петны кризисысь?». Колис кымын во? Ни ӧти программа иг на аддзыв ни газетысь, ни сельсоветысь.
Сы вӧсна предлагайта :
Ми кӧ абу кывтӧм пемӧсъяс, то конференция резолюцияӧ сюйны содтӧд татшӧм пунктъяс: (предлагайта гӧлӧсуйтны быд пункт кузя ӧтдельнӧ)
ӧти пункт:
«Коми войтырлӧн» Республикаса да Ижмаса юрнуӧдысьяслы колӧ коми йӧз помла зэв ена тӧждысьӧмысь пуктыны оценка «неудовлетворительно»
Мӧд пункт:
Коми кыв талялӧмысь, пенсия арлыд содтӧмысь, донъяс быд тӧлысь кыпӧдӧмысь пуктыны президентлы да Россияса правительстволы сэтшӧм жоӧоценка «неудовлетворительно». А асланым депутатъяслы, кодъяс Россияса Госдумаын татшӧм лек законъяссӧ примитiсны да Республикаса Госсоветлӧн президиумса вит членлы петкодлыны Ижмаса «Коми войтырсянь» недоверие.
Коймӧд пункт:
Ресспубликаса Госсоветлы Москваса да мукӧд ыджыд карса мусорлы войвывса регионъясын свалкаяс стрӧитомлы пуктыны мораторий.
Нельӧд пункт:
Ижмаса олысьяслы Архангельскӧй да Вологодскӧй областьса йӧзкӧд тшӧтш сувтны декабрь кыкӧд лунӧ митингъяс да пикетъяс вылӧ, медым ни ӧти килограмм мусор Москваысь эз вайны Шиес станция вылӧ.
Витӧд пункт:
Пенсия арлыдсӧ Республикаын кольны важсӧ (50 да 55 во)
Квайтӧд пункт:
Коми кывсӧ кольны кыдзи вӧлi, медым быдӧн тӧдiс.
P.S.
Олег Михайлович даже не поставил на голосование предлагаемые пункты в резолюцию.
|
