Талун, декабрь 7 лунӧ, прӧйдитіс коми войтырлӧн конференция. Воӧмны дас ӧтик чина морт, нёльӧн списоксьыс ещӧ абу вермӧмаӧсь локны. Унджыкыс министръясӧн замъяс да отделъясын уджалысьяс. Кык депутат Госсоветысь. И сӧмын Алексей Габов, Коми войтырын веськӧдлысь, ачыс локтӧма, а абу замсӧ ыстӧма. 
Николай Братенков сетіс корӧм, медым сёрнитасны выступайтысьяс коми кыв вылын. Юрнуӧдысьыс конференцияыслӧн Анатолий Артеев висьталіс, мый коді кыдз вермас мед сёрнитӧны.

Первойӧн сетісны кыв Любовь Терентьевалы, район администрация веськӧдлысьлы. Висьталіс рочӧн, мый вӧчсьӧ Изьва районын. Юалӧмъяс вӧліны комиӧн, Любовь Ивановна на вылӧ сетіс вочавидзӧм.

Ӧтик юалӧмыс вӧлі Изьва вомӧн пос йылысь. Районса юрнуӧдысь висьталіс, мый Республика сетӧма содтӧд 30 миллион шайт. Сетасны конкурс вылӧ заявка, да надея кутӧны, мый босьтчас организация, коді вӧчас поссӧ август тӧлысьӧдз. Выль посыслӧн коймӧд пайыс выйым, колӧ вӧчны мукӧд частьяссӧ да чукӧртны ставнас поссӧ.

Нӧшта вопросъясыс вӧлісны Мошъюгаын лёк сотӧвӧй связь йылысь, Томсянь Керкиӧдз туй йылысь да Койюын связь йылысь. Картаёльысь главаыс Василий Кожевин висьталіс, мый колӧ, мед сетасны индӧд ветлыны машинаясӧн газовикъяслӧн туй вывті. Сэн колӧ вӧчыштны кык пос. Владимир Истомин юасис Брыкаланск школа йылысь, челядь лыд йылысь. Сы вылӧ Любовь Ивановна вочавидзис, мый Татарияын стрӧитӧны ичӧт сиктъясын школаяссӧ весиг 20 велӧдчысь вылӧ. А миян Республика пыр висьталӧ, мый колӧ строитны 100 мортысь не этшаджык вылӧ.

Мамонтов Виталий Арсентьевич висьталіс Ижма да Щельяюр костын лёк туй йылысь. 

Сэсся кыв босьтіс Хозяинова Елена Владимировна, коді нуӧдӧ Изьва районын Коми войтыр представительствоын юрнуӧдысьлӧн вежысьӧн. Унджыксӧ висьталіс традицияяс да коми культура видзӧм йылысь. 

Николай Братенков сетіс юалӧм, мый кор выль йӧз воисны районӧ Коми войтыр котырӧн веськӧдлыны, висьталісны, мый вӧчасны быд сиктлысь программа кризисысь петан туй йылысь. И кымын сиктлӧн тайӧ программаыс вийым нин? Елена Владимировна ӧтветитіс, мый программаыс ӧні - сохранитны коми культура. Висьталісны, мый 10 план гӧтӧвиччӧ.

Елена Хозяинова тоже висьталіс народнӧй промыслъяс йылысь, мый РЦДО вӧчӧ та направлениеас.

Игорь Рубан сетіс предложение вӧчны кык котыр местаас ӧтик: "Изьватас войтыр". Та вылӧ Алексей Габов висьталіс, мый сылӧн предложение: создайтны "Совет общественных организаций коренных народов Республики Коми".

Зэв эмоциональнӧя сернитіс Олег Терентьев. Сійӧ скӧрмӧма депутатъяс вылӧ, коді абу сетӧмаӧсь сьӧм бюджетысь конференция вылӧ. Критикуйтіс найӧс, коді ачныс коми, а челядьныссӧ комиӧн абу велӧдӧмны. "Кывнымӧс колӧ хранитны", - висьталіс сійӧ. Нӧшта висьталіс, мый приказыс Министерство образованиеыслӧн разжигайтӧ национальнӧй рознь.

Выступайтысьыс вӧлі уна. Гижышта некымын выступление йылысь. 

Сметанин Леонид Борисович висьталіс сийӧ, мый МОД "Коми войтыр" планируйтіс вӧчны медводдзасянь. Сы ног, унджыкыс эз ло вочӧма. Кӧсйисны, мед Госсоветын вӧлі кык палата, ӧтикыс коми йӧз представительясысь. Кутісны надея, мый озыр республикаын кутам овны бурджыка. Суверинетет абу, Россиякӧд договор абу, олӧмыс эз бурмы, киссис видз-му овмӧс. Вӧр-ва, му пытшса озырлун - ставыс федеральнӧй собственность.  Кыдз сьывсьӧ песняын "Коляс асланым только лым". Эм на государственнӧй коми кыв, но и сійӧс вермасны бырӧдны. Чинӧ лыдыс налӧн, коді лыддьӧны асьныссӧ комиӧн. Тадз кӧ мунас водзӧ, Республика 100 во кежлӧ ми лоам ичӧт лыда войтырӧн. Критикуйтіс районысь юр сиктса школасӧ, кӧні оз велӧдны коми кыв, кыдз родной. 

Сы бӧрын кыв сетисны Николай Братенковлы.  Висьталіс Олег Терентьевлӧн висьталӧм вылӧ, мый Комитет спасения Печоры нуӧдӧ чукӧртчӧмъяссӧ аслас деньга вылӧ. Йӧз дорӧ ветлӧны, корӧны, сы вылӧ и чукӧртчӧны. Йӧз тӧдӧны КСПлысь уджсӧ да сьӧм сетӧны. Сідз жӧ колӧ и коми войтырлы, оз ков надейччыны бюджет сьӧм вылӧ. Ещӧ: властьыс полӧ Изьва районсьыс. Медся коми район, а мед чина йӧзыс абу локтӧмаӧсь. Республика кузя 10-17 декабрьӧ лоӧны уна митинг да пикет: 6 карын да 9 сиктын. Татчӧ содӧны нӧшта Удорасаяс, так что лоас ещӧ на унджык. Мыйысь воӧмаӧсь пикетъясӧдз? Главнӧйыс - коми кыв понда. Медым Госсовет оз вӧрзьӧд законъяссӧ коми кыв велӧдӧм кузя. И бур, мый проект решениеас эм та кузя бур пункт. Но эм на ещӧ ӧти помка. Ижмаса да Печора бӧкса олысьяс сёям черисӧ, кодӧс нефтяникъяс солалӧмаӧсь нин ас совнаныс.  Юам сійӧ васӧ, ӧсӧбеннӧ Печора бӧкын, сійӧ жӧ "совнас". Экономияыс нӧшта ыджыд: этшаджык олам, унджык сьӧм экономитасны. Кор ми обратитчим КСПсянь Госсовет дорӧ кыкысь нин референдум нуӧдӧм йылысь, мед важ трубаяссӧ нефтяникъяс вежлаласны, то депутатъяс признавайтӧны, мый джынсьыс унджык трубаыс ассьыс срӧксӧ нин прӧйдитӧма. Кыдз медся гӧль крестьянин 10 дӧмас пуктӧ гачас, сидз жӧ и трубаясыс. "Ми вед иг корӧ референдумсӧ трубаяссӧ вежӧмсьысь. Позьӧ Госсоветыслы петны Россияса властьыслы корӧмӧн, медым трубаяссӧ ӧдйӧджык вежасны. И референдумсӧ нуӧдны сэки оз ков". Ещӧ висьталіс Братенков 44 закон йылысь, код кузя выигрывайтӧ конкурсъяссӧ сійӧ, коді медся уськӧдӧ донсӧ. Сьӧмыс бӧр мунӧ вылӧ, а туйясным зэв лёкӧсь. 

Елена Пудкова, директор Ижемскӧй школаысь, висьталіс коми кыв велӧдӧм йылысь. Колӧ, мед хӧтя бы государственнӧй кывсӧ, но велӧдісны ставӧн. Оз кӧ тайӧ ло, кывным кулас, даже кутам кӧ гортын сёрнитны. Ещӧ сійӧ сёрнитіс школа стрӧитӧм либӧ ремонтируйтӧм йылысь. Зданиеязсыс важӧсь, оз соответствуйтны Санпинлы, прӧверяющӧйяс сетоны предприсаниеяс, кодъясӧс исполнитны сьокыд, либӧ вермыны оз позь.

Нӧшта ӧтик школаса директор - Татьяна Филиппова Картаёльыс кыпӧдіс уна проблема. Тайӧ и туй, и связь, и том специатистъяс велӧдчӧм бӧрын локтом йылысь.

На бӧрын кыв сетісны министрӧс вежысьӧс Наталья Якимовалы. Сійӧ ошкис и Елена Георгиевнаӧс, и Татьяна Григорьевнаӧс. Коми кыв серти висьталіс, мый вӧліны прӧверкаяс Президентлӧн поручение выполнитігӧн. Коми кыв, кыдз государственнӧй, абу ФГОСын (федеральнӧй государственнӧй образовательнӧй стандартын). Но сэн эм обязательнӧй велӧдӧм рӧднӧй кыв. Колӧ нуӧдны удж, медым ай-мам бӧрйясны рӧднӧй кывйӧн коми. Приказыс пока дугдӧдӧма, министерство чукӧртӧ предложениеяс местаяс вылысь. Министерство МОД "Коми войтыркӧд" отлаын гижӧмны корӧм Россияӧ министерство образование дорӧ. Ӧтик предложениеыс сэтшӧм: пыртны ФГОСӧ государственнӧй кыв велӧдӧм. Или мӧд вариант - пыртны сэтчӧ жӧ предмет "Регионоведение", кытчӧ кутас пытны ас пытшкӧсас и коми кыв.

Дмитрий Кологривый висьталіс, мый Госсовет уна тор вӧчны оз вермыны. На кианыс абу став рычагыс. Сійӧ ошкис коми войтырсӧ активность да неравнодушиеысь. Сӧгласитчис, мый тані долженӧсь лоны министръяс и кывзыны, мый народыс висьталӧ. 

Николай Рочев, председатель Изьватаслӧн висьталіс, мый медводз ӧшыбка вӧлі вӧчӧма, кор примитісны коми кыв обязательнӧ велӧдӧм йылысь. "Слияние организациеяс" йылысь: бур, кор эм уна вына организация. Поддержитіс, мый колӧ вӧчны общӧй сӧвет организациеясысь. Висьталіс, мый найӧ Габовкӧд ӧтвылысь уна проблема нин решитӧмаӧсь (эз висьтав, правда, кутшӧмӧс). Висьталіс, мый ӧтвылысь уджалӧмаӧсь и мӧд вына котыркод - Комитет спасения Печорыкӧд. Но медбӧр куим вонас воштӧмаӧсь инвестицияяс экологическӧй проектъясӧ "благодаря" КСП.  Пример вылӧ вайӧдіс Ижмаысь полигон ТБО мӧд местаӧ вуджӧдӧм йылысь. И обвинитіс сыысь Братенковӧс. "Не Вы ли подняли людей против полигона и отвели на 13 километров" - висьталіс. (Напомню, что жители села Ижма Д. Канев, А. Степанец, А. Филиппов и другие подняли тревогу и добились того, что свалка будет не в 1 километре от села, а дальше. Заслуги этих ижемских защитников не только своих домов, а окружающей природы Рочев приписал Братенкову). И мӧд пример - Щельяюр дорын шламник уберитӧмсӧ тожӧ "припишитіс" заслуга Братенковлы. Критикуйтіс и митингъясысь. "Смешивать мух с котлетами не надо. И с кем нам работать?" А помаліс: колӧ мунны ки киӧ. 

Наталья Делкова аддзис плюс сыын, мый лоисны уна коми кыв защитникъяс. Висьталіс, мый колӧ видзны кывсӧ семьяын. Предложитіс вӧчны коми йӧзыслы опознавательнӧй знак.

Алексей Габов, Коми войтыр котӧрӧн веськӧдлысь, нӧшта на ӧтчыдысь босьтіс кыв да висьталіс, мый вӧчӧмаӧсь коми кыв сӧвмӧдӧм кузя.

Решениеас конференцияыслы пырис и татшӧм предложение:

" Поддержать предложение исполкома МОД "Коми войтыр" от 3.11.2017 г об отмене приказа № 366-п Министерства образования, науки и молодежной политики в целях соблюдения законодательства образовательными организациями в части обеспечения мер по изучению обучающимися по основным общеобразовательным программам родного языка из числа народов РФ и государственных языков республик, находящихся в составе РФ, на добровольной основе по выбору их родителей и об освобождении с занимаемой должности заместителя Председателя Правительства РК - министра образования, науки и молодежной политики РК Н.А. Михальченковой".

Госсовету РК:

принять постановление с обращением в правительство России и Президенту по запрету функционирования нефтепроводов, отслуживших свой срок (20 лет).

принять постановление в адрес Госдумы о необходимости внесения изменений в Закон РФ 44-фз.

Та кындзи уна мукӧд кывкӧртӧдъяс. Районнӧй газетын, навернӧ вед гижасны тайӧ ставсӧ.

Абу, дерт ставсӧ тані гижӧма, но

та вылын помала. Э.Братенкова

Фотоясыс Игорь Истоминлӧн.

Босьтӧма сылӧн страницаысь вконтакте